Guðjón Valur: Ósanngjarnt að taka út eitt atriði

Guðjón Valur Sigurðsson segir að það hafi verið erfitt að taka tapinu gegn Ungverjalandi í dag en með því féll Ísland úr leik í handboltakeppni Ólympíuleikanna í London.

Ísland tapaði leiknum með minnsta mun, 34-33, í tvíframlengdum leik. Strákarnir fengu mörg tækifæri til að vinna leikinn en á endanum stóðu Ungverjar uppi sem sigurvegarar.

„Það eru til svo mörg orð. Heppni, dagsform, einbeiting. Það er eiginlega ljótt að greina þetta of mikið. Þetta var bara hörkuleikur sem stóð yfir í 80 mínútur. Það er ósanngjarnt að taka eitt atriði úr 80 mínútna leik og segja að þetta hafi verið það sem skipti máli."

„Ég hefði getað nýtt færin mín betur eða þá einhver annar. Vörnin hefði getað varið fleiri sko eða unnið boltann oftar. Markvöðurinn hefði getað varið meira og svo framveigs."

„Eða og ef eru stór orð með fáum stöfum. Liðinu ber að hrósa fyrir baráttuna og viljann en þrátt fyrir það eru vonbrigðin gríðarleg af því að við áttum séns á þessu. Við eltum stóran hluta leiksins en áttum þrátt fyrir það góðan séns á að klára þetta."

„Það átti ekki að vera. Því miður."