Lakers tapaði þriðja leiknum í röð | Miami tapaði á heimavelli

Aðeins fimm leikir fóru fram í NBA deildinni í körfubolta í nótt og þar tapaði Los Angeles Lakers sínum þriðja leik í röð. Lakers tapaði 98-96 gegn Indiana á heimavelli. Miami tapaði einnig óvænt í gær á heimavelli gegn Milwaukee, 91-82. Kobe Bryant skoraði 33 stig fyrir Lakers en það dugði ekki til.

Þetta var 11. sigurleikur Indiana á þessari leiktíð, en liðið hefur aðeins tapað 5. Liðið hefur ekki byrjað svona vel í deildinni frá tímabilinu 2003-2004 þegar liðið vann 14 af fyrstu 16 leikjum sínum.

Dwyane Wade lék ekki með Miami Heat vegna meiðsla í tapleiknum gegn Milwaukee sem vann sinn fyrsta sigur á útivelli á leiktíðinni. Brandon Jennings skoraði 23 stig og gaf 6 stoðsendingar fyrir Milwaukee. LeBron James skoraði 28 stig fyrir Miami og tók 13 fráköst.

Paul Pierce fóru fyrir liði Boston í 100-94 sigri gegn Washington. Boston lék án þeirra Rajon Rondo og Ray Allen sem eru meiddir. Pierce skoraði 34 stig, gaf 8 stoðsendingar og tók 8 fráköst. John Wall skoraði 27 stig fyrir Washington og tók 10 fráköst.

Úrslit:

LA Lakers – Indiana 96-98

Washington – Boston 94-100

LA Clippers – Toronto 103-91

New Jersey – Charlotte 97-87

Miami – Milwaukee 82-91