Ók drukkinn niður á lögreglustöð

Karlmaður á fertugsaldri kom akandi á lögreglustöðina við Hringbraut í Reykjanesbæ í gær, vegna erindis sem hann taldi sig eiga við lögreglu.

Ekki er það í frásögur færandi að öðru leyti en því að þegar lögreglumaður ræddi við manninn reyndist vera áfengislykt úr vitum hans.

Spurður kvaðst hann hafa komið akandi á lögreglustöðina. Maðurinn gaf öndunarsýni, sem staðfesti að hann var undir áhrifum áfengis. Hann var því handtekinn í kjölfarið. Lögregla tók af honum skýrslu Þar sem hann neitaði hann að hafa verið á bílnum. Lögregla rannsakar málið.