Fyrirkomulag launahækkana meingallað

Félag forstöðumanna ríkisstofnana segir að sú ákvörðun Guðbjartar Hannessonar, velferðarráðherra, að hækka laun Bjarnar Zoega, forstjóra Landspítalans, sé til marks um að fyrirkomulag launaákvarðana forstöðumanna ríkisstofnana sé meingallað.

„Undanfarin ár hafa verið gerðar ómálefnalegar breytingar á lögum um kjararáð sem hafa aukið ósamræmi í launum þeirra sem undir ráðið heyra," segir í tilkynningu, en kjararáð á lögum samkvæmt að sjá um launaákvarðanir forstöðumanna ríkisstofnana.

Félagið krefst þess að kjararáð stundi vandaðari vinnubrögð hér eftir við ákvörðun starfskjara forstöðumanna.