Ísland í ljósaskiptunum - verðlaunamyndband

Verðlaunamyndband sem sýnir Ísland í sínu fegursta ljósi hefur vakið mikla athygli á veraldarvefnum. Það var Bandaríkjamaðurinn og ferðalangurinn Joe Capra sem tók myndirnar og vann í kjölfarið til verðlauna.

Myndbandið var umsókn Capra í samkeppni sem samtökin CitizenGlobal og National Geographic stóðu fyrir. Capra fékk 10 þúsund dollara í verðlaunafé eða um 1.3 milljón króna.

Þema samkeppninnar var landkönnun. Keppendurnir voru beðnir um að setja saman myndband þar sem ferðalögum þeirra er lýst. Þá voru þeir einnig beðnir um að talsetja myndböndin lýsa þar ástríðu sinni fyrir óbyggðunum.

Capra var hér á landi í vor. Hann heillaðist af hálendinu og tók um 38 þúsund ljósmyndir. Flestir myndirnar voru teknar að sólarlagi.

Hægt er að sjá myndbandið hér fyrir neðan. Þá er einnig hægt að nálgast fleiri myndbönd hér.