Mál Gunnars komið til Ríkissaksóknara

Ríkissaksóknari kannar nú hvort grundvöllur er fyrir því að gefa út ákæru á hendur Gunnari Þ. Andersen, fyrrverandi forstjóra Fjármálaeftirlitsins.

Stjórn Fjármálaeftirlitsins kærði Gunnar til lögreglu um það leyti sem honum var sagt upp störfum. Hann er sakaður um að hafa með ólögmætum hætti aflað sér trúnaðarupplýsinga úr Landsbankanum um fjármál Guðlaugs Þórðarsonar alþingismanns og leikið þeim í fjölmiðla.

Helgi Magnús Gunnarsson, vararíkissaksóknari, staðfesti við fréttastofu að málið væri komið til skoðunar hjá embættinu en sagðist ekki geta sagt neitt til um það hvenær rannsókn þess hjá embættinu lyki.