Fangar á Litla Hrauni hætta að taka við matarpeningum

Fangar á Litla Hrauni ætla að hætta að taka við matarpeningum og þar með hætta að elda sjáflir frá og með næstu mánaðamótum, í mótmælaskyni við það sem þeir telja allt of hátt verðlag í versluninni, sem fangelsið rekur.

Þess í stað ætla þeir að krefjast að fangelsið sjái þeim fyrir lögboðnum máltíðum. Þeir segja að verðlagið í verslun fangelsins sé 60 til 80 prósentum hærra en í Bónus og Krónunni á Selfossi, en báðar þessar verslanir hafi boðið föngunum að útvega þeim umbeðnar vörur, án þess að taka neitt fyrir að flytja þær í fangelsið.