Undirbúa Thor 2

Undirbúningur fyrir tökur á myndinni Thor 2 hér á landi er hafinn. Vinnubúðir hafa verið reistar við Flúðir, á svipuðum slóðum og myndin Oblivion var tekin upp fyrr í sumar.

Ekki er vitað hvort leikarar séu væntanlegir til landsins en þeir eru ekki af verri endanum. Þar ber hæst nafn Óskarsverðlaunaleikkonunnar Natalie Portman en með aðalhlutverk fara Chris Hemsworth og Anthony Hopkins.

Leikstjórinn Alan Taylor er vanur landi og þjóð en hann leikstýrði sjónvarpsþáttunum Game of Thrones sem teknir voru upp hér á landi í fyrra.