Virði Arion banka innan við 15 prósent af eignum Kaupþings

Það er til marks um hve eignasafn þrotabúss Kaupþings er stórt, að virði Arion banka er aðeins tæplega 15 prósent af eignum bússins, sé mið tekið af innra virði (price to book 1), þ.e. eigin fé fé Arion banka.

Um mitt þetta ár var eigið fé Arion banka ríflega 125 milljarðar króna en heildareignir þrotabúss Kaupþings eru metnar á 861,3 milljarða króna samkvæmt fjárhagsupplýsingum sem birtar voru á vef þrotabússins í dag. Þrotabú Kaupþings á 87 prósent hlut í Arion banka en íslenska ríkið 13 prósent.

Handbært fé þrotabússins nemur ríflega 373 milljörðum króna, þar af er handbært fé í evrum ríflega 111 milljarðar. Útlán nema ríflega 202 milljörðum króna í eignasafninu.