Datamarket gerir fjárlagafrumvarpinu skil

Upplýsingatæknifyrirtækið Datamarket hefur undanfarin ár tekið fram ítarlega greiningu á fjárlagafrumvarpinu þar sem útgjöld til hvers ráðuneytis eru birt í súluriti.

Þrátt fyrir að minna en sólarhringur síðan frumarpið var kynnt hefur Datamarket nú birt á vef sínum fjárlög ársins 2013, sett fram með myndrænum hætti.

Þar er jafnframt hægt að nálgast samanburð við fjárlög síðasta árs og sjá þá nákvæmlega hversu mikið er skorið niður, eða útgjöld aukin eftir atvikum, til viðkomandi ráðuneytis, ríkisstofnunar eða málaflokks. Greininguna má nálgast á vef Datamarket.