Game of Thrones-leikari leikstýrir í Þjóðleikhúsinu 14. september 2012 18:00 Ian McElhinney í Þjóðleikhúsinu þar sem hann leikstýrir ‘‘Með fulla vasa af grjóti„ "Þeir eru yndislegir náungar og það er mjög gott að vinna með þeim," segir norður-írski Game of Thrones-leikarinn Ian McElhinney, sem leikstýrir Stefáni Karli Stefánssyni og Hilmi Snæ Guðnasyni í leikritinu Með fulla vasa af grjóti. Leikritið er að fara aftur á svið eftir langt hlé og sem fyrr leika Stefán Karl og Hilmir Snær öll fjórtán hlutverkin og aftur er McElhinney leikstjóri. Með fulla vasa af grjóti var frumsýnt á Íslandi í árslok 2000 og fékk frábærar viðtökur. Sýningarnar urðu alls 180 og yfir fjörutíu þúsund manns sáu verkið. "Núna tólf árum síðar erum við mættir aftur. Strákarnir eru eldri en einnig betri og reyndari leikarar. Þeir eru líka á réttari aldri fyrir hlutverkin. Þeir eru báðir mjög hæfileikaríkir og búa yfir miklum aga sem er nauðsynlegt fyrir svona tveggja manna sýningu á stóru sviði," segir McElhinney. Það var eiginkonan hans, Marie Jones, sem samdi Með fulla vasa af grjóti árið 1996. Fyrst var leikritið sýnt á Írlandi og fékk ágætar viðtökur en þegar McElhinney tók við leikstjórninni þremur árum síðar, eða árið 1999, breyttu þau áherslum og leikritið sló í gegn á Írlandi. Það var í framhaldinu sýnt á West End í London, á Broadway og víða um heim. Sjálfur hafði McElhinney ekki leikstýrt því í mörg ár, eða fyrr en núna þegar hann sneri aftur í Þjóðleikhúsið. Auk þess að leika í sjónvarpsþáttunum Game of Thrones hefur McElhinney leikið í tveimur sjónvarpsþáttaröðum að undanförnu, eða The Fall með Gillian Anderson úr X-Files í aðalhlutverkinu, og í Titanic: Blood and Steel sem fjallar um smíði Titanic-skipsins. freyr@frettabladid.is Game of Thrones Menning Mest lesið „Þetta er lúmskt skrímsli“ Lífið Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Rapphljómsveit til rannsóknar hjá hryðjuverkadeildinni Lífið Michael Bolton með ólæknandi krabbamein Lífið Dóttir De Niro kemur út sem trans Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið Justin Bieber nýtur sín norður í landi Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
"Þeir eru yndislegir náungar og það er mjög gott að vinna með þeim," segir norður-írski Game of Thrones-leikarinn Ian McElhinney, sem leikstýrir Stefáni Karli Stefánssyni og Hilmi Snæ Guðnasyni í leikritinu Með fulla vasa af grjóti. Leikritið er að fara aftur á svið eftir langt hlé og sem fyrr leika Stefán Karl og Hilmir Snær öll fjórtán hlutverkin og aftur er McElhinney leikstjóri. Með fulla vasa af grjóti var frumsýnt á Íslandi í árslok 2000 og fékk frábærar viðtökur. Sýningarnar urðu alls 180 og yfir fjörutíu þúsund manns sáu verkið. "Núna tólf árum síðar erum við mættir aftur. Strákarnir eru eldri en einnig betri og reyndari leikarar. Þeir eru líka á réttari aldri fyrir hlutverkin. Þeir eru báðir mjög hæfileikaríkir og búa yfir miklum aga sem er nauðsynlegt fyrir svona tveggja manna sýningu á stóru sviði," segir McElhinney. Það var eiginkonan hans, Marie Jones, sem samdi Með fulla vasa af grjóti árið 1996. Fyrst var leikritið sýnt á Írlandi og fékk ágætar viðtökur en þegar McElhinney tók við leikstjórninni þremur árum síðar, eða árið 1999, breyttu þau áherslum og leikritið sló í gegn á Írlandi. Það var í framhaldinu sýnt á West End í London, á Broadway og víða um heim. Sjálfur hafði McElhinney ekki leikstýrt því í mörg ár, eða fyrr en núna þegar hann sneri aftur í Þjóðleikhúsið. Auk þess að leika í sjónvarpsþáttunum Game of Thrones hefur McElhinney leikið í tveimur sjónvarpsþáttaröðum að undanförnu, eða The Fall með Gillian Anderson úr X-Files í aðalhlutverkinu, og í Titanic: Blood and Steel sem fjallar um smíði Titanic-skipsins. freyr@frettabladid.is
Game of Thrones Menning Mest lesið „Þetta er lúmskt skrímsli“ Lífið Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Rapphljómsveit til rannsóknar hjá hryðjuverkadeildinni Lífið Michael Bolton með ólæknandi krabbamein Lífið Dóttir De Niro kemur út sem trans Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið Justin Bieber nýtur sín norður í landi Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira