Flokksþing Demókrata hefst í kvöld

Flokksþing Demókrata hefst í borginni Charlotte í Norður-Karólínu í Bandaríkjunum í kvöld.

Nokkrir þekktir Demókratar munu flytja ræður á þinginu, þar á meðal er forsetafrúin Michelle Obama sem og Bill nokkur Clinton, fyrrverandi forseti Bandaríkjanna.

Barack Obama mun síðan sjálfur stíga á svið og ávarpa gesti flokksþingsins. Bandaríkjaforseti heimsótti Ohio-ríki í dag þar sem hann ræddi við kjósendur.

Mjótt er á munum í forsetakosningunum í Bandaríkjunum. Þannig ríður mikið á því að flokksþing Demókrata verði farsælt að málstaðnum verði komið á framfæri.