Ibaka framlengir við Oklahoma

Samkvæmt heimildum ESPN er Oklahoma Thunder búið að ná samkomulagi við Serge Ibaka um nýjan fjögurra ára samning. Samningurinn er metinn á 48 milljónir dollara.

Thunder átti á hættu að missa Ibaka næsta sumar en af því verður ekki.

Ibaka varði flest skot allra í NBA-deildinni á síðustu leiktíð eða 3,7 skot að meðaltali í leik.

Thunder er þar með búið að ganga frá nýjum langtímasamningum við þrjá lykilmenn en Kevin Durant og Russell Westbrook voru báðir búnir að skrifa undir nýjan samning.