Skoða skipið sem strandaði í Vopnafjarðarhöfn

Verið er að kafa og skoða hvort einhverjar skemmdir hafi orðið á botni norska skipsins Silver Copenhagen, sem tók niðri í innsiglingunni í Vopnafjarðarhöfn um klukkan 5 í morgun.

Skipið sem er rúmlega 3000 lestir var að fara út eftir að hafa lestað frosnar afurðir á Vopnafirði. Björgunarskipið Sveinbjörn Sveinsson var kallaður út um tuttugu mínútum síðar til öryggis, en björgunarsveitamenn segja að lítil hætta hafi verið á ferðum og veðrið verið gott.

Þegar flutningaskipið tók niðri var há fjara svo um leið og tók að flæða og skipsverjar búnir að dæla vatni úr tönkum sem eru framalega í skipunu losnaði það af strandstað.