Fullt hús stiga eftir sigur á Bretum | Myndasyrpa

Íslenska landsliðið í handknattleik lagði Breta með sautján marka mun í lokaleik sínum í riðlakeppni handknattleikskeppni Ólympíuleikanna í dag.

Eftir rólegan fyrri hálfleik þar sem Bretar héldu í við Strákana okkar settu okkar menn í annan gír í síðari hálfleik. Hreiðar Levý Guðmundsson lokaði markinu og íslensku strákarnir gátu gengið sáttir frá leiknum.

Guðjón Valur Sigurðsson skoraði átta mörk í leiknum og er markahæsti leikmaður mótsins að lokinni riðlakeppninni með 36 mörk.

Valgarður Gíslason, ljósmyndari Fréttablaðsins og Vísis, var að sjálfsögðu á svæðinu og tók þessar myndir.