Eyjólfur Tómasson lánaður til Vals | Liðin skiptast á markvörðum

Markvörður Leiknis, Eyjólfur Tómasson, hefur verið lánaður til Pepsi-deildarliðs Vals. Ásgeir Þór Magnússon stóð í marki Leiknis í 5-1 tapinu gegn Þór í dag en hann var lánaður til Leiknis á dögunum frá Val.

Fótbolti.net greinir frá því að félögin hafi komist að samkomulagi um markvarðarskipti út tímabilið. Ásgeir Þór var lánaður til Leiknis eftir komu Ólafs Þórs Gunnarssonar. Ólafur heldur þó utan til Bandaríkjanna í ágúst enda aðeins í sumarfríi á Íslandi.

Ásgeir Þór mun verja mark Leiknis út leiktímabilið en Eyjólfur mun berjast um byrjunarliðssæti við Sindra Snæ Jensson eftir að Ólafur Þór hverfur á braut.

Valsmenn mæta Frömurum í 12. umferð Pepsi-deildar á Hlíðarenda á morgun.