Merki bárust úr neyðarsendi

Landhelgisgæslan fékk tilkynningu frá neyðarlínu Bandaríkjanna um að boð hefðu borist frá persónu neyðarsendi.

Fljótlega kom í ljós að staðurinn sem neyðarboðin bárust frá var á landi og var björgunarsveit á Ísafirði kölluð út. Þyrla Landhelgisgæslunnar var við eftirlit á Vestfjörðum og fór á staðinn sem neyðarsendirinn gaf upp til að sækja manninn.

Hann hafði dottið og er með áverka á höfði og ökla. Flogið var með hann til Ísafjarðar. Enn liggja ekki fyrir frekari upplýsingar.

Viðbót kl. 20:10

Maðurinn er kominn undir læknishendur. Fátt er vitað um meiðsl hans að svo stöddu. Þyrlan er snúin aftur til eftirlitsstarfa sinna og mun sinna þeim frameftir kvöldi.