De Jong ánægður hjá Man. City

Hollenski miðjumaðurinn Nigel de Jong á aðeins ár eftir af samningi sínum við Man. City. Hann vonast til þess að skrifa undir nýjan samning enda sé hann sáttur hjá félaginu.

"Það er ár eftir af samningnum þannig að allt er í góðu. Ég vil vera áfram hjá City. Hér hef ég verið í þrjú ár og mér líður vel hérna," sagði De Jong.

Hann mátti sætta sig við mikla bekkjarsetu síðasta vetur en hefur skilning á því.

"Það fylgir starfinu að sitja stundum á bekknum enda erum við með skiptikerfi. Auðvitað vil ég spila sem mest en á endanum snýst þetta um liðið og að vinna titla. Það er því vel þess virði að vera að sitja stundum á bekknum.