Vélarvana bátur nærri Kvískerjum í öræfum

Björgunarfélag Hornafjarðar var kallað út klukkan hálf níu í kvöld þegar tilkynning barst um vélarvana bát, um 40-50 sjómílur út af Kvískerjum í Öræfum. Um er að ræða yfirbyggðan plastbát og eru þrír menn í áhöfn. Björgunarskipið Ingibjörg er á leið á staðinn en þangað er um þriggja tíma sigling.

Veður er ágætt á svæðinu og ekki talin mikil hætta á ferðum en bátinn rekur hægt með landi. Reikað er með að björgunarskipið verði komið að honum fyrir miðnætti. Verður hann dreginn til hafnar á Höfn og er gert ráð fyrir að þangað verði komið á fjórða tímanum í nótt.