Signý og Guðrún Brá spiluðu best á fyrsta hring

Keiliskonurnar Signý Arnórsdóttir og Guðrún Brá Björgvinsdóttir eru efstar og jafnar eftir fyrsta hringinn á Egils Gull mótinu í Eyjum en þetta er annað mótið á Eimskipsmótaröðinni í ár.

Signý og Guðrún Brá léku báðar á 75 höggum eða fimm höggum yfir pari. Þær hafa tveggja högga forskot á næstu konur sem eru Sunna Víðisdóttir og Ólafía Þórunn Kristinsdóttir, báðar úr GR.

Signý fékk tvo fugla og sjö skolla á hringnum en Guðrún Brá var með tvo fugla, fimm skolla og svo skramba á 13. holunni.

Fyrsti hringurinn var skrautlegur hjá Íslandsmeistaranum Ólafíu Þórunni Kristinsdóttur sem vann einmitt fyrsta mótið á Eimskipsmótaröðinni. Ólafía náði í einn örn (5. hola) og tvo fugla en fékk jafnframt sjö skolla og svo tvo skramba á 2. og 17. holu.

Staðan eftir fyrsta hring í kvennaflokki:

1. Signý Arnórsdóttir, GK +5

1. Guðrún Brá Björgvinsdóttir, GK +5

3. Sunna Víðisdóttir, GR +7

3. Ólafía Þórunn Kristinsdóttir, GR +7

5. Berglind Björnsdóttir, GR +8

6. Ingunn Gunnarsdóttir, GKG +9

6. Tinna Jóhannsdóttir, GK +9

8. Halla Björk Ragnarsdóttir, GR +11

8. Eygló Myrra Óskarsdóttir, GO +11

8. Þórdís Geirsdóttir, GK +11