Þriðja tilraun gerð til stjórnarmyndunar

Tilraun Vinstrimanna á Grikklandi til stjórnarmyndunar fór út um þúfur í gær og nú er röðin komin að leiðtoga þriðja stærsta flokks landsins að gera tilraun. Formaður Pasok flokksins, Evangelos Venizelos, er þó ekki talinn líklegur til að takast það ætlunarverk og því veðja flestir á að blása verði til kosninga að nýju í landinu.

Flokkur Venizelos var til langs tíma stærsti flokkur Grikklands en óvinsælar niðurskurðaraðgerðir gerðu það að verkum að kjósendur höfnuðu flokknum í stórum stíl í kosningunum um liðna helgi.