Forseti Þýskalands segir af sér vegna lögreglurannsóknar

Christian Wulff forseti Þýskalands sagði af sér í dag vegna lögreglurannsóknar á störfum hans.

Angela Merkel kanslari Þýskalands hefur aflýst opinberri heimsókn sinn til Rómar í dag vegna málsins.

Christan Wulff hefur lengi verið ásakaður um að hafa þegið mútur og fleiri brot í starfi þegar hann starfaði sem ráðherra í Saxlandi árið 2008.

Ríkissaksóknarinn í Hannover fór fram á í gær að forsetinn yrði sviptur þeirri vernd sem hann hefur gegn málsóknum. Saksóknarinn segir að nýjar upplýsingar hafi komið fram í málinu sem geri það nauðsynlegt að kalla forsetann fyrir í yfirheyrslur.

Í frétt þýsku fréttastofunnar dpa um málið fyrir stundu kemur fram að rannsóknin á Wulff beinist m.a. að dularfullu íbúðaláni upp á hálfa milljón evra, eða rúmlega 80 milljóna kr. sem hann fékk frá einum vina sinna. Hann reyndi að stöðva umfjöllun blaðsins Bild um það mál en hafði ekki erindi sem erfiði.