Bankarnir réðu oft fjárfestingum lífeyrissjóðanna

3. febrúar 2012 15:35

Bankarnir réðu ferðinni oft á tíðum í fjárfestingum lífeyrissjóðanna fyrir hrun að sögn Hrafns Bragasonar, fyrrverandi hæstaréttardómara. Þetta kom fram í erindi hans á fundi um starfsemi lífeyrissjóðina fyrir hrun.

„Þeir voru eflaust búnir að læra ýmislegt í Bandaríkjunum," bætti Hrafn við á fundinum þar sem meðal annars kom fram að heildartap sjóðanna hefði verið tæplega 500 milljarðar. Þar af töpuðu sjóðirnir um 250 milljörðum á Baugi og Exista og félögum þeim tengdum.

Hrafn talaði einnig um mögulegar ólöglegar fjárfestingar sjóðanna. „Við nefndarmenn teljum að sumar fjárfestingar, til dæmis víkjandi lán, hafi ekki verið löglegar," sagði hann í erindi sínu.

Héðinn Eyjólfsson viðskiptafræðingur, sem einnig sat í rannsóknarnefndinni, sagði að lífeyrisjóðirnir gerðu sér ekki grein fyrir hversu samþjöppuð áhættan var.

„Þeir sváfu á verðinum," sagði Héðinn.

Héðinn sagði einnig að það væri skortur á faglegu verklagi og vinnuferlum innan lífeyrissjóðanna. Kynningarefni frá bönkunum voru yfirleitt það sem stuðst var við.

Skýrsluna má í heild sinni nálgast hér.

Nánar verður fjallað um málið í fréttum Stöðvar 2.

Tengdar fréttir

Heildartap lífeyrissjóðanna eftir hrun tæplega 500 milljarðar króna

Heildartap lífeyrissjóðanna árin 2008 til 2010 er áætlað 479 milljarðar króna. Þar af eru innlend hlutabréf 198 milljarðar.

3. febrúar 2012 13:58

Rannsókn á starfsemi lífeyrissjóðanna kynnt í dag

Blaðamannafundur rannsóknarnefndar um starfsemi lífeyrissjóðanna fyrir hrun hefst núna klukkan tvö á Grand Hóteli. Nefndin skilar í dag af sér skýrslu um niðurstöður rannsóknarinnar.

3. febrúar 2012 13:54

Töpuðu hátt í 250 milljörðum á Baugi og Exista og félögum tengdum þeim

Tap lífeyrissjóðanna vegna Baugs Group hf., sem nú er í slitameðferð, er áætlað 4,8 milljarðar króna. Þetta kom fram á blaðamannafundi rannsóknarnefndar um starfsemi lífeyrissjóðanna fyrir hrun, sem haldinn er á Grand Hóteli. Ef Baugur og tengd félög eru tekin með er tapið um 77 milljarðar króna.

3. febrúar 2012 14:34

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.