Logi með sextán stig í fjórða sigurleiknum í röð

Logi Gunnarsson og félagar í Solna Vikings eru á sigurbraut í sænska körfuboltanum en liðið vann sinn fjórða sigur í röð í kvöld með því að leggja Brynjar Þór Björnsson og félaga í Jämtland að velli, 81-72. Solna-liðið vann þarna sinn annan útisigur í röð sem hefur ekki gerst áður í vetur.

Logi skoraði 16 stig í leiknum en hann var með einnig með 4 fráköst og 4 stoðsendingar. Brynjar skoraði 8 stig, tók 3 fráköst og gaf 1 stoðsendingu. Logi setti niður öll sex vítin sín í leiknum og hefur nú hitt úr 93,5 prósent víta sinna í vetur

Solna Vikings liðið stefnir sem sama áframhaldi í harða baráttu um heimavallarrétt í fyrstu umferð úrslitakeppninnar en tapið hjá Jämtland þýðir að liðið má ekki misstíga sig mikið meira ef liðið ætlar að eiga möguleika á að verða með í úrslitakeppninni í vor.