Mahan í fyrsta sinn á meðal 10 efstu á heimslistanum

Bandaríski kylfingurinn Hunter Mahan kom sér í níunda sætið á heimslistanum í golfi með sigri sínum á Heimsmótinu í holukeppni sem lauk í gær í Arizona í Bandaríkjunum. Mahan hafði betur gegn Norður-Íranum Rory McIlroy í úrslitum mótsins, 2/1. Mahan hefur aldrei áður náð að vera á meðal 10 efstu á heimslistanum áður.

Hinn 29 ára gamli Mahan var í 22. sæti heimslistans áður en keppni hófst á Heimsmótinu. Englendingurinn Luke Donald er sem fyrr í efsta sæti heimslistans þrátt fyrir að hafa tapað í fyrstu umferð á Heimsmótinu gegn Ernie Els frá Suður-Afríku. Donald hafði titil að verja á þessu móti.

Tiger Woods náði ekki að koma sér í hóp 20 efstu á heimslistanum en hann er 21. sæti og fellur um eitt sæti.

Staða efstu manna á heimslistanum, kylfingarnir eru bandarískir nema annað sé tekið fram. Í sviganum er staða þeirra fyrir viku síðan:

1. (1) Luke Donald (England) 9,13

2. (2) Rory McIlroy (Norður-Írland) 8,60

3. (3) Lee Westwood (England) 8.17

4. (4) Martin Kaymer (Þýskaland) 6.02

5. (5) Steve Stricker 5.80

6. (6) Webb Simpson 5.14

7. (10) Dustin Johnson 5.11

8. (8) Adam Scott (Ástralía) 5.05

9. (22) Hunter Mahan 5.03

10. (7) Jason Day (Ástralía) 5.01

11. (9) Phil Mickelson 4.96

12. (11) Charl Schwartzel (Suður-Afríka) 4.87

13. (12) Bill Haas 4.67

14. (14) Matt Kuchar 4.56

15. (13) Graeme McDowell (Norður-Írland) 4.36

16. (15) Nick Watney 4.35

17. (16) Sergio Garcia (Spánn) 4.14

18. (18) Brandt Snedeker 4.12

19. (17) KJ Choi (Suður-Kórea) 4.08

20. (19) Keegan Bradley 4.00