Íslenska karlalandsliðið í handbolta kemur saman til æfinga í kvöld. Um er að ræða fyrstu æfingu liðsins fyrir heimsmeistaramótið sem fram fer á Spáni í janúar.
Fjölmargir leikmenn landsliðsins léku með liðum sínum í Þýskalandi í gær. Von er á leikmönnunum til landsins í dag, á æfingu í kvöld og aftur í fyrramálið.
Ísland mætir Túnis í fyrri æfingaleik sínum í Laugardalshöll annað kvöld klukkan 19.45. Síðari æfingaleikurinn fer fram á laugardag á sama stað og hefst klukkan 13.30.
Að loknum æfingaleiknum gegn Túnis á laugardag fá landsliðsmennirnir fjögurra daga frí frá æfingum fram yfir áramót. Ísland mætir svo Svíum í æfingaleik ytra 8. janúar áður en haldið verður til Spánar.
Ísland mætir Rússum í fyrsta leik sínum á heimsmeistaramótinu á öðrum leikdegi mótsins 12. janúar.
Karlalandsliðið kemur saman í kvöld
