Kúmentínslunni í Viðey flýtt

Árleg kúmentínsla í Viðey fer fram þriðjudaginn 14. ágúst og hefur henni verið flýtt miðað við undanfarin ár. Það er gert vegna mikillar blíðu í sumar en kúmentínslan hefur verið geysilega fjölmenn síðustu ár.

Viðeyjarkúmenið þykir mjög gott og er þekkt fyrir einstök gæði. Það er fínna en búðarkúmen, bragðmeira og sætara. Fólk mætir því ár hvert með plastpoka og skæri og sækir sér kúmen fyrir veturinn.

Þeir sem ekki kunna til verka geta fengið leiðsögn og aðstoð við komuna í eyjuna. - bþh