Sérstakur saksóknari er í þessum töluðu orðum í húsleitum á að minnsta kosti þremur stöðum á höfuðborgarsvæðinu. Rannsóknin tengist MP banka, Straumi og Seðlabankanum. Sérstakur saksóknari vildi ekkert láta hafa eftir sér um málið þegar að Vísir hafði samband við hann í dag. Samkvæmt heimildum Vísis hafa handtökur verið gerðar í tengslum við rannsóknina.
Stefán Jóhann Stefánsson, ritstjóri hjá Seðlabankanum, staðfestir að menn á vegum sérstökum saksóknara séu í húsakynnum Seðlabankans. Einnig hefur verið staðfest að menn á vegum hans séu í húsakynnum MP banka og ALMC áður Straumi.
Talsmaður ALMC segir í samtali við Vísi að menn hjá sérstökum saksóknara séu í húsakynnum bankans og starfsmenn hans aðstoði eftir bestu getu.
Húsleitir hjá Seðlabanka, Straumi og MP - handtökur gerðar
Tengdar fréttir
Óvíst hvort húsleit beinist að starfsemi MP
Gunnar Karl Guðmundsson, forstjóri MP banka, staðfesti við fréttastofu í morgun að húsleit hefði verið framkvæmd í höfuðstöðvum bankans. Að sögn Gunnars Karl mættu lögreglumenn frá embætti sérstaks saksóknara laust eftir klukkan tíu í morgun.
Húsleit í Seðlabanka tengist föllnu viðskiptabönkunum
Húsleit sérstaks saksóknara í Seðlabankanum tengist rannsókn á föllnum viðskiptabönkum, samkvæmt heimildum fréttastofu Stöðvar 2 og Vísis.
Fyrrverandi forstöðumaður hjá Landsbankanum handtekinn
Jón Þorsteinn Oddleifsson var handtekinn í morgun á sama tíma og sérstakur saksóknari gerði húsleit hjá Seðlabankanum, MP banka og ALMC sem áður var Straumur. Jón var áður forstöðumaður fjárstýringar í Landsbankanum. Rannsókn sérstaks saksóknara í dag miðar að því að afla gagna vegna upplýsinga sem komu fram við rannsókn á Landsbankamálinu.
