Hlynur og Jakob stigahæstir í sigri Sundsvall

Íslendingaliðið Sundsvall Dragons komst í kvöld í toppsæti sænsku úrvalsdeildarinnar er það lagði Uppsala Basket, 81-64.

Mikið jafnræði var með liðunum í fyrri hálfleik en Drekarnir gerðu út um leikinn í þriðja leikhluta sem þeir unnu, 23-6. Lokafjórðungurinn var því nánast formsatriði.

Sem fyrr voru Íslendingarnir í liði Sundsvall í aðalhlutverki í kvöld. Hlynur Bæringsson og Jakob Örn Sigurðarson voru stigahæstir með 20 stig. Hlynur tók þess utan 10 fráköst og gaf 4 stoðsendingar.

Pavel Ermilinskij skoraði 10 stig, tók 7 fráköst og gaf 8 stoðsendingar.