Ágúst: Mætum með fullt sjálfstraust til leiks

Ísland mætir Spánverjum ytra í undankeppni EM 2012 í dag. Leikurinn er sá fyrsti í undankeppninni en leikurinn hefst klukkan 16.00.

Ísland er í riðli með Spáni, Úkraínu og Sviss en tvö efstu liðin komast í úrslitakeppnina sem fer fram í Hollandi í desember á næsta ári.

„Það er klárt mál að þetta verður erfiður leikur en hann leggst vel í mig,“ sagði Ágúst en viðtalið má sjá í heild sinni hér fyrir ofan.

„Spánn er með gríðarlega sterkt lið og eru fyrirfram taldar sterkust í þessum riðli. Við munum þó mæta til leiks með fullt sjálfstraust og ætlum að reyna að ná hagstæðum úrslitum. Ef við eigum toppdag þá eigum við möguleika.“