Vettel: Mjög ánægður með árangurinn

Sebastian Vettel hjá Red Bull liðinu vann Formúlu 1 kappakstursmótið í Singapúr í

dag og þegar fimm mótið er ólokið er hann aðeins einu stigi frá því að

tryggja sér meistaratitilinn í Formúlu 1, annað árið í röð. Eftir mótið í

dag getur aðeins Jenson Button há McLaren liðinu komið í veg fyrir það

tölfræðilega séð.

Til að Button geti skákað Vettel, þá verður Button að vinna þau 5 mót sem

eftir eru og á sama tíma má Vettel ekki fá stig. Ef Vettel fær t.d. eitt

stig í næsta móti, þá verður Vettel meistari og Button á ekki lengur

möguleika.

„Ég er mjög, mjög ánægður með árangurinn í dag. Bíllinn var frábær allan

tímann. Þegar við þurftum að auka hraðann, þá gátum við aukið forskotið

tiltölulega auðveldlega, sem hjálpaði til", sagði Vettel eftir keppnina í

dag.

Vettel tapaði niður góðu forskoti í mótinu, þegar öryggisbíllinn kom inn á

brautina vegna óhapps, sem varð í brautinni. En í endurræsingunni náði

hann strax ágætu forskoti. Vettel komst í réttan takt á ný og var ekki

ógnað í mótinu.

„Í heildina litið voru þetta frábær úrslit. Ég elska þessa braut og þetta

verkefni. Þetta er eitt lengsta mót tímabilsins. Bíllinn var frábær og

vélin líka. Renault vann sitt verk vel, þannig að við vorum í þægilegri

stöðu mest alla keppnina. Það hentar vel hérna, því það er verðugt

verkefni að raða öllum tímatökusvæðunum saman aksturslega séð, ekki bara í

tímatökunni, heldur líka í kappakstrinum. Ég er ánægður og hvað

titislaginn varðar, þá er annað tækifæri í næstu keppni", sagði Vettel.