Magnús Þór Gunnarsson, leikmaður Keflavíkur í körfubolta, mun í kvöld deila út 80 snakkpokum til áhorfenda á leik sinna manna gegn Hamri í Lengjubikar karla.
Þetta kemur fram á vef Víkurfrétta. Í síðustu viku var greint frá því hér á Vísi að Magnús hafi fengið sér snakk í miðjum leik gegn KR en fyrr um daginn hafði hann farið í maga- og ristilsspeglun.
Ölgerðin ákvað að fylgja fréttinni eftir og sendi Keflvíkingum kassa með Lay's snakki sem Magnús mun nú gefa áhorfendum í kvöld.
„Þetta er bara fyndið og greinilega fínasta auglýsing fyrir þá,“ sagði Magnús við Víkurfréttir en í viðtalinu lýsir hann einnig hvernig viðbrögð stuðningsmanna andstæðinga Keflavíkur hafa verið eftir að stóra snakkmálið kom upp.
Magnús meiddist reyndar á æfingu um daginn og óvíst hvort hann geti spilað með sínum mönnum gegn Hamri í kvöld.
Lesa má fréttina hér.
Magnús gefur 80 snakkpoka í kvöld
Tengdar fréttir
Hvað var Magnús að gera með snakkpoka á bekknum í gær?
Ótrúleg uppákoma átti sér stað í leik KR og Keflavíkur í gær sem gerði viðstadda kjaftstopp. Þá sást til Magnúsar Gunnarssonar, leikmanns Keflavíkur, fá sér snakk á bekknum í miðjum leik.
