Hæstiréttur dæmir í Icesavemáli

Hæstiréttur Íslands mun á morgun dæma um það hvort neyðarlögin svokölluðu standist stjórnarskrá.

Um er að ræða ellefu mál sem verður dæmt í, en málin snúast í stórum dráttum um það hvort smásöluinnlán, eða svokölluð Icesave lán, og heildsöluinnlán séu forgangskröfur í þrotabú Landsbankans.

Héraðsdómur Reykjavíkur komst fyrr á árinu að þeirri niðurstöðu að lánin væri forgangskröfur. Forsenda þess að útgreiðslur úr þrotabúi Landsbankans geti hafist er sú að Hæstiréttur staðfesti dóminn.