FH vann eins marks sigur í Belgíu

FH stendur ágætlega að vígi í EHF-bikarkeppninni eftir 29-28 sigur á belgíska liðinu Initia Hasselt í fyrri leik liðanna í annarri umferð. Liðin mætast aftur um næstu helgi og þá á Íslandi.

FH byrjaði vel í leiknum og var með undirtökin allan fyrri hálfleikinn. Staðan að honum loknum var 18-12, FH-ingum í vil.

Belgarnir létu þó til sín taka í seinni hálfleik með bættum varnarleik og náðu að jafna metin í stöðunni 20-20. FH-ingar voru þó skrefi framar síðasta stundarfjórðunginn og innbyrgu að lokum nauman sigur.

Ólafur Gústafsson var markahæstur FH-inga með sex mörk en hann fékk þó að líta rauða spjaldið í síðari hálfleik fyrir þrjár brottvísanir.

Mörk FH: Ólafur Gústafsson 6, Baldvin Þorsteinsson 5, Magnús Magnússon 4, Örn Bjarkason, 3, Halldór Guðjónsson 2, Ragnar Jóhannsson 2, Þorkell Magnússon 2, Ari Þorgeirsson 2, Atli Steinþórsson 2, Sigurður Ágústsson 1.