Heiðdís gengur til liðs við Val

Heiðdís Rún Guðmundsdóttir, fyrrum leikmaður meistaraflokks FH í handknattleik, hefur samið við Íslandsmeistara Vals fyrir næstkomandi tímabil, en samningurinn er til þriggja ára.

Heiðdís á ekki langt að sækja hæfileika sína en hún er dóttir Guðmundar Karlssonar, fyrrverandi handknattleiksþjálfara, einnig er núverandi leikmaður Vals, Raghildur Rósa Guðmundsdóttir, systir hennar.

Heiðdís er virkilega efnilegur leikmaður og sýndi oft á tíðum frábær tilþrif fyrir FH-inga í vetur, en hún hefur verið viðlofandi yngri landslið Íslands í gegnum tíðina.

Valur ætlar sér greinilega að verja Íslandsmeistaratitilinn á næsta tímabili, en liðið hafði gríðarlega sterkan hóp á nýafstöðnu Íslandsmóti.