Ólafur Gaukur fámáll um tengdasoninn

„Ég má ekkert segja," sagði Ólafur Gaukur þegar Vísir hafði samband við hann en dóttir hans, Anna Mjöll, giftist bandaríska auðkýfingnum Cal Worthington í apríl. Hann hagnaðist gríðarlega á bílasölu en á milli þeirra er allnokkur aldursmunur. Cal er fæddur árið 1920 á meðan Anna Mjöll er fædd 1970. Það eru því fimmtíu ár á milli þeirra.

Sjálfur er Ólafur fæddur 1930 og er því tíu árum yngri en tengdasonurinn.

Ólafur vildi sem minnst um málið segja en sagði við fréttamann að Cal og Ólafur Gaukur hefðu verið vinir lengi. Þau hafi svo náð saman að lokum. Hann var fámáll þegar hann var spurður út í álit sitt á tengdasyninum.

Cal varð landsfrægur í Bandaríkjunum á miðri síðustu öld vegna frumlegra bílaauglýsinga þar sem hann lék aðalhlutverkið.

Slúðurmiðlar vestan hafs fylgjast grannt með manninum en meðal annars má finna ársgamalt myndbrot frá vefnum TMZ þar sem rætt er við Cal, sem er ásamt Önnu Mjöll og móður sinni, Svanhildi Jakobsdóttur. Móðir hennar, sem hefur fyrir löngu sungið sig inn í hjörtu landsmanna, tók meðal annars lagið á myndskeiðinu.