Sérfræðilæknar neita að framlengja þjónustusamning

Sjúklingar, sem þurfa að leita til sjálfstætt starfandi sérfræðilækna þurfa að greiða þeim fullt gjald frá og með næstu mánaðamótum, ef ekki semst við heilbrigðisyfirvöld fyrir þann tíma.

Á félagsfundi Læknafélags Reykjavíkur í gærkvöldi var einróma samþykkt að verða ekki við þeirri ósk velferðarráðherra að farmlengja þjónustusamning um tvo mánuði, á meðan reynt verði að ná samkomulagi.

Sérfræðilæknar vilja nú fá þá níu prósenta hækkun, sem þeir frestuðu í fyrra og telja að fyrirhugaður niðurskurður í sérfræðilæknaþjónustu um 300 milljónir, ógni öryggi sjúklinga.