Dómur þyngdur yfir Barðastrandaræningjunum

Hæstiréttur Íslands þyngdi dóma yfir Barðastrandaræningjunum um eitt ár í morgun. Mennirnir, sem heita Axel Karl Gíslason og Viktor Már Axelsson, voru dæmdir fyrir að svipta aldraðan úrsmið á Barðaströnd á Seltjarnarnesinu frelsinu á síðasta ári auk þess sem þeir rændu hann.

Viktor hlaut tveggja ára fangelsisdóm í Héraðsdómi Reykjavíkur en Hæstiréttur þyngdi dóminn um ár. Þá fékk Axel Karl 20 mánaða fangelsisdóm í Héraðsdóm Reykjavíkur en hans dómur var einnig þyngdur um ár.

Mennirnir, sem eru um tvítugt, sitja nú í gæsluarðhaldi vegna líkamsárásar þar sem þeir réðust á annan aldraðan mann fyrir utan heimili sitt í Reykjanesbæ. Með manninum var dóttir hans og kornabarn.

Mennirnir handleggsbrutu manninn auk þess sem þeir veittu honum margvísislega áverka. Talið er að þeir hafi ætlað að finna barnabarn mannsins.