Ellefu marka sigur Þjóðverjanna

Oldenburg vann í dag öruggan ellefu marka sigur á Val í leik liðanna í EHF-bikarkeppni kvenna.

Staðan í hálfleik var 17-14, Oldenburg í vil. Valsmenn byrjuðu þó betur í leiknum en þær þýsku sneru honum sér fljótt í vil.

Hrafnhildur Ósk Skúladóttir var markahæst hjá Val með átta mörk. Ágústa Edda Björnsdóttir skoraði fimm og Kristín Guðmundsdóttir fjögur.

Hjá Oldenburg var Angie Geschke markahæst með níu mörk og Lois Abbingh kom næst með átta.

Liðin mætast öðru sinni í Vodafone-höllinni annað kvöld klukkan 20.00.