Snorri Steinn með tvö mörk í sigri á meisturunum

Snorri Steinn Guðjónsson skoraði tvö mörk þegar AG Köbenhavn vann eins marks útisigur, 31-30, á dönsku meisturunum í Kolding í dönsku úrvalsdeildinni í dag.

Stefan Hundstrup skoraði sigurmark AG úr hraðaupphlaupi mínútu fyrir leikslok en fleiri mörk voru ekki skoruð í leiknum.

Arnór Atlason komst ekki á blað í leiknum en Mikkel Hansen var markahæstur hjá AG Köbenhavn með 7 mörk. Lars Christiansen fór á kostum með Kolding og skoraði 9 mörk. Bæði mörk Snorra Steins komu úr vítaköstum.