Undarlegur kvennalisti

Breskir feministar eru slegnir yfir lista yfir 100 áhrifamestu konur landsins. Það voru ritstjórar 20 stærstu tímarita Bretlands sem völdu konur á listann. Það sem slær fólk er að á honum eru efstar, og í meirihluta, fyrirsætur, söngkonur, tískuhönnuðir og sjónvarpsstjörnur.

Efst á listanum er að vísu J.K. Rowling, einstæð móðir sem varð ein af ríkustu konum landsins með bókum sínum um galdrastrákinn Harry Potter. Hún er fyrirmynd fjölmargra kvenna.

En meðal annarra á topp tíu eru fyrrverandi poppsöngkonan Victoria Beckham, núverandi poppsöngkona Cheryl Cole, tískuhönnuðurinn Cath Kidston, fyrirsætan Kate Moss og tískuhönnuðurinn Vivienne Westwood.

Engin kona í stjórnmálum nær á topp tíu listannl. Þar er hinsvegar ein eiginkona stjórnmálamanns; Samantha Cameron eiginkona forsætisráðherrans.