Viðskipti innlent

Lykilstarfsmenn með 146 milljóna launakröfu

Ingólfur Helgason, fyrrverandi forstjóri Kaupþings á Íslandi.
Ingólfur Helgason, fyrrverandi forstjóri Kaupþings á Íslandi.

Fjórir lykilstarfsmenn hjá Kaupþingi gera launakröfur í þrotabú bankans og nema kröfurnar í heild sinni um 146 milljónum króna.

Hæstu kröfuna gerir Ingólfur Helgason, forstjóri Kaupþings á Íslandi og nemur krafa hans 81,6 milljónum króna. Hinir þrír starfsmennirnir voru allir framkvæmdastjórar hjá bankanum og gerir Guðný Arna Sveinsdóttir kröfu upp á 12,1 milljón. Steingrímur Kárason er með 24,8 milljóna kröfu og Guðni Níels Aðalsteinsson gerir kröfu upp á 29,1 milljón króna.

Sigurður Einarsson fyrrverandi stjórnarformaður bankans gerir einnig launakröfu og hljóðar hún upp á 244 milljónir króna.

Fleiri starfsmenn gera launakröfur í þrotabúið og til dæmis má nefna að Ríkharður Daðason fyrrverandi knattspyrnukappi gerir kröfu upp á 31,2 milljónir.

Alls námu kröfur í þrotabú Kaupþings rúmum 7300 milljörðum króna en þetta kemur fram í kröfulýsingaskrá sem kröfuhafar hafa fengið aðgang að.




Tengdar fréttir

Þrotabú Baugs vill 30 milljarða í skaðabætur

Þrotabú Baugs gerir fimm kröfur í þrotabú Kaupþings banka. Krafa Baugs hljómar upp á 30,5 milljarða og er farið fram á upphæðina í skaðabætur, að því er fram kemur í kröfulýsingaskrá sem birt hefur verið á netinu. Kröfur í búið voru rúmlega 28 þúsund talsins og leggja sig samtals á rúmlega 7300 milljarða króna.

Deutsche Bank gerir nær 900 milljarða kröfur

Deutsche Bank er stærsti erlendi kröfuhafinn í þrotabú Kaupþing en kröfur hans nema nær 900 milljörðum kr. Eru þær því hátt í 15% af brúttókröfum í þrotabúið.

Kröfur í Kaupþing nema yfir 7.300 milljörðum

Heildarfjárhæð lýstra krafna í Kaupþing nam 7.316 milljörðum króna miðað við gengi Seðlabanka Íslands þann 22. apríl 2009. Heildarfjárhæð lýstra krafna er hærri en skuldir samkvæmt efnahagsreikningi miðað við 30. júní sl.

Sigurður vill 244 milljónir frá Kaupþingi

Sigurður Einarsson, fyrrverandi stjórnarformaður Kaupþings, gerir launakröfu upp á 244 milljónir króna í þrotabú fallna bankans. Hreiðar Már Sigurðsson, fyrrverandi forstjóri, virðist ekki gera launakröfu í þrotabúið.

Kjalar með kröfu upp á 146 milljarða

Kjalar, fjárfestingafélag í eigu Ólafs Ólafssonar, sem var einn stærsti eigandi Kaupþings banka, gerir kröfu í þrotabúið samkvæmt kröfulýsingaskrá sem birt hefur verið. Krafan eru upp á 146 milljarða íslenskra króna vegna gjaldmiðlaskiptasamninga.

Seðlabankinn með 356 milljarða kröfu í Kaupþing

Seðlabanki Íslands er með stærstu innlendu kröfuhöfunum í þrotabú Kaupþings en samtals nema kröfur hans rúmlega 356 milljörðum kr. Þar af er ein einstök krafa upp á 101 milljarða kr. vegna lánasamnings.



Mest lesið


Fleiri fréttir

Sjá meira


×

Mest lesið