Innlent

Hreiðar gæti átt 8 ára fangelsi yfir höfði sér

Jón Hákon Halldórsson skrifar
Hreiðar Már Sigurðsson, fyrrverandi forstjóri Kaupþings, gæti átt yfir höfði sér allt að átta ára fangelsi verði hann fundinn sekur um þau brot sem hann er grunaður um. Sérstakur saksóknari handtók Hreiðar Má í dag eftir skýrslutökur.

Samkvæmt fréttatilkynningu frá sérstökum saksóknara liggur fyrir grunur um skjalabrot samkvæmt 17. kafla almennra hegningarlaga, auðgunarbrot samkvæmt 26. kafla almennra hegningarlaga, brot gegn lögum um verðbréfaviðskipti þar með talin markaðsmisnotkun og loks brot gegn hlutafélagalögum.

Í upphafi 17 kafla almennra hegningalaga segir að sá sem noti falsað skjal til þess að blekkja með því í lögskiptum, skuli sæta fangelsi allt að 8 árum. Þá getur legið sex ára fangelsi við markaðsmisnotkun, eins og fréttavefur Viðskiptablaðsins bendir á í dag.


Tengdar fréttir

Hreiðar Már handtekinn vegna gruns um fjölmörg brot

Til grundvallar á handtöku sérstaks saksóknara í dag liggur grunur um skjalabrot, auðgunarbrot, brot gegn lögum um verðbréfaviðskipti, þ.m.t. markaðsmisnotkun og loks gegn hlutafélagalögum.

Sérstakur saksóknari handtók Kaupþingsstjórnanda

Sérstakur saksóknari handtók í hádeginu í dag karlmann i tengslum við rannsókn á málefnum Kaupþings. Ekki liggur fyrir að svo stöddu um hvaða einstakling ræðir en samkvæmt heimildum fréttastofu Stöðvar 2 og Vísis er um einn af æðstu stjórnendum gamla bankans að ræða.

Hreiðar Már Sigurðsson handtekinn

Hreiðar Már Sigurðsson, fyrrverandi forstjóri Kaupþings, var handtekinn af sérstökum saksóknara í hádeginu í dag. Farið var fram á tveggja vikna gæsluvarðhald í Héraðsdómi Reykjavíkur fyrr í dag. Dómari tók sér sólarhrings umhugsunarfrest og verður Hreiðar Már því í haldi lögreglu að minnsta kosti til morguns.

Mest lesið


Fleiri fréttir

Sjá meira


×

Mest lesið