Minnisvarði um Sveinbjörn allsherjargoða

Minnisvarði um Sveinbjörn Beinteinsson, fyrsta allsherjargoða Ásatrúarfélagsins og rímnaskálds, verður vígður við hátíðlega athöfn í Öskjuhlíð í dag.

Myndarlegum minnisvarða um Sveinbjörn hefur verið komið fyrir á reitnum þar sem hof ásatrúarmanna mun rísa og mun Hilmar Örn Hilmarsson allsherjargoði vígja steininn og hylla landvætti ásamt fleiri goðum félagsins.

Að því loknu verður hefðbundin sumargleði í húsnæði félagsins við Síðumúla þar sem börn og fullorðnir koma saman, grilla pylsur, skemmta sér og fagna sumarkomunni. Athöfnin hefst klukkan 15 og eru allir velkomnir. - bs