Verið að verja Icelandair fyrir skaða með lögbanni

„Samkvæmt þessu, þá eru engin rök í sjálfu sér fyrir lögbanninu annað en félagið skaðast af þessu. Landið lokast ekki. Við fljúgum í dag, fljúgum til allra landa," segir Matthías Imsland, framkvæmdarstjóri Icelandexpress en hann gagnrýnir stjórnvöld harðlega fyrir að samþykkja lögbann á verkfall flugvirkja hjá Icelandair en það var samþykkt af hálfu ríkisstjórnar í hádeginu í dag. Lögbannið þarf hinsvegar að samþykkja á Alþingi eigi það að taka gildi.

Matthías segir illskiljanlegt að það sé sett lögbann á verkfall hjá fyrirtæki í samkeppnisrekstri, eins og Icelandair, í ljósi þess að það stafar engin almannahætta af verkfalli flugvirkjanna.

„Einu rökin eru því í raun að fyrirtækið skaðast af þessu," segir Matthías en samkvæmt upplýsingum frá Icelandair þá tapar fyrirtækið 80 milljónum á sólarhring, en það eru þó loðin vísindi eins og það var orðað.

Matthías segir þetta verði til þess, verði lögbannið samþykkt, að það þurfi að samþykkja lögbann á öll verkföll héðan í frá.

„Annað væri þá gróf mismunun," segir Matthías að lokum.