Farið fram á kyrrsetningu á eignum Stoða 30. apríl 2010 17:36 Krafa Tollstjóra um kyrrsetningu eigna Stoða var tekin fyrir hjá Sýslumanninum í Reykjavík í gær. Í tilkynningu frá Stoðum segir að skattrannsóknarstjóri hafi farið fram á kyrrsetningu eigna að upphæð 650 milljónir króna vegna fyrirhugaðrar endurákvörðunar skatta félagsins vegna rekstaráranna 2005-2007. „Stoðir framvísuðu við fyrirtökuna fullnægjandi tryggingum fyrir samsvarandi upphæð í formi reiðufjár, með fyrirvara um lögmæti aðfararinnar," segir í tilkynningunni en Stoðir munu krefjast þess fyrir Héraðsdómi Reykjavíkur að kyrrsetningarbeiðninni verði synjað. „Bókhald og skattskil Stoða hafa verið í skoðun hjá skattayfirvöldum í meira en tvö ár en félaginu hafa ekki borist neinar upplýsingar frá skattayfirvöldum um málsatvik eða niðurstöður rannsóknarinnar. Af kyrrsetningarbeiðninni má þó ráða að skattrannsóknarstjóri telji að Stoðir hafi vanframtalið virðisauka-skatt vegna aðkeyptrar starfsemi erlendis frá, að mestu frá eigin dótturfélögum erlendis. Stjórn Stoða þykir því rétt að útskýra hvernig virðisaukaskilum félagsins var háttað," segir ennfremur. Þá segir að Stoðir (þá FL Group) hafi starfrækt skrifstofur í Kaupmannahöfn og London á árunum 2005-2007, þar sem unnu um 20 starfsmenn sem sinntu erlendum fjárfestingum FL Group. „Um rekstur þessara skrifstofa voru stofnuð þarlend dótturfélög, að öllu leyti í eigu móðurfélagins. Umsvif dótturfélagsins í London, FL Group UK, voru töluverð, sérstaklega á árinu 2007." Að sögn Stoða var rekstur umræddra dótturfélaga var fjármagnaður með þeim hætti að dótturfélögin sendu móðurfélaginu reglulega reikninga fyrir rekstrarkostnaði sínum, sem móðurfélagið gjaldfærði í sínu bókhaldi sem rekstrarkostnað dótturfélaga og greiddi. „Skattrannsóknarstjóri virðist nú hafa komist að þeirri niðurstöðu að félaginu hafi borið að greiða íslenskan virðisaukaskatt af gjaldfærðum kostnaði vegna þjónustu erlendra dótturfélaga. Vert er að undirstrika að ekki er um það að ræða að stungið hafi verið undan virðisaukaskatti sem innheimtur hafi verið, heldur hafi félagið sjálft átt að reikna þennan skatt og greiða í ríkissjóð, sem sagt bæta virðisaukaskatti ofan á gjaldfærðan kostnað sinn vegna starfsemi erlendu dótturfélaganna." Stoðir benda á að í skattareglum segi að ef þjónusta sem keypt er af erlendum aðila er nýtt á Íslandi, beri að reikna og greiða virðisaukaskatt í slíkum tilvikum. „Grunnurinn að baki reglunni eru einkum samkeppnis- og samræmissjónarmið. Félagið lét á sínum tíma kanna hvernig fara bæri með þennan rekstrarkostnað. Var það álit skattaráðgjafa félagsins og endurskoðenda að þessi þjónusta varðaði einvörðungu erlendar fjárfestingar félagsins, sem eðlilegt var að vinna erlendis og bæri því ekki að reikna og skila virðisaukaskatti af þjónustunni. Er það í samræmi við skattframkvæmd undanfarinna ára, og munu vera mörg fordæmi fyrir þeirri framkvæmd. Ljóst er að mögulegt hefði verið að fara aðrar leiðir varðandi rekstrarkostnað erlendra dótturfélaga sem ekki hefðu skapað vafa varðandi túlkun á virðisaukaskattskilum. T.d. hefði virðisaukaskattur hvergi komið við sögu ef erlendir starfsmenn hefðu verið á launaskrá móðurfélagsins, eða húsaleiga verið greidd beint af móðurfélaginu." „Það er því skoðun stjórnar Stoða að afstaða skattrannsóknarstjóra sé byggð á röngum forsendum. Starfsmenn félagsins töldu skattskil félagsins vera í samræmi við lög og reglur, og stjórnendur voru í góðri trú, sem studd var af áliti bókhalds- og skattasérfræðinga. Að öllum líkindum munu dómstólar kveða upp úr um þessi tæknilegu álita- og túlkunaratriði," segir einnig í tilkynningunni.Saka skattayfirvöld um harkalega framkomu „Stjórn Stoða telur að skattayfirvöld hafi gengið afar harkalega fram með kröfu sinni um kyrrsetningu eigna Stoða. Í kyrrsetningarbeiðni er því haldið fram að kyrrsetning eigna sé nauðsynleg þar sem hætta þyki á að eignum verði skotið undan. Um 80% hlutafjár Stoða er í eigu Glitnis, Arion banka og NBI - Landsbankans. Stjórn Stoða, sem kjörin var í kjölfar yfirtöku lánardrottna á félaginu sl. sumar, er skipuð fulltrúum þessara aðila. Eignir Stoða um sl. áramót námu 33,5 milljörðum króna en skuldir voru 10 milljarðar króna. Eignir Stoða umfram skuldir voru því 23,5 milljarðar króna um sl. áramót og eiginfjárhlutfall um 70%. Skattayfirvöld hafa enga ástæðu til að ætla að félagið eða eigendur þess muni skjóta undan eignum til að komast hjá greiðslu mögulegrar endurálagningar á sköttum. Jafnframt kemur þessi framganga á óvart í ljósi þess að félagið bíður enn eftir að fá frumskýrslu skattayfirvalda um niðurstöður skattrannsóknarinnar í hendur, svo félagið geti nýtt lögbundinn andmælarétt sinn og lagt mat á þær kröfur sem þar kunna að koma fram. Eins og áður sagði verður kyrrsetningarbeiðni skattayfirvalda skotið til Héraðsdóms Reykjavíkur þar sem krafist verður synjunar," segir að lokum. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Röntgen Domus og Orkuhúsið fá ekki að sameinast Viðskipti innlent Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Bein útsending: Ársfundur SFS – Best í heimi? Viðskipti innlent Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Krafa Tollstjóra um kyrrsetningu eigna Stoða var tekin fyrir hjá Sýslumanninum í Reykjavík í gær. Í tilkynningu frá Stoðum segir að skattrannsóknarstjóri hafi farið fram á kyrrsetningu eigna að upphæð 650 milljónir króna vegna fyrirhugaðrar endurákvörðunar skatta félagsins vegna rekstaráranna 2005-2007. „Stoðir framvísuðu við fyrirtökuna fullnægjandi tryggingum fyrir samsvarandi upphæð í formi reiðufjár, með fyrirvara um lögmæti aðfararinnar," segir í tilkynningunni en Stoðir munu krefjast þess fyrir Héraðsdómi Reykjavíkur að kyrrsetningarbeiðninni verði synjað. „Bókhald og skattskil Stoða hafa verið í skoðun hjá skattayfirvöldum í meira en tvö ár en félaginu hafa ekki borist neinar upplýsingar frá skattayfirvöldum um málsatvik eða niðurstöður rannsóknarinnar. Af kyrrsetningarbeiðninni má þó ráða að skattrannsóknarstjóri telji að Stoðir hafi vanframtalið virðisauka-skatt vegna aðkeyptrar starfsemi erlendis frá, að mestu frá eigin dótturfélögum erlendis. Stjórn Stoða þykir því rétt að útskýra hvernig virðisaukaskilum félagsins var háttað," segir ennfremur. Þá segir að Stoðir (þá FL Group) hafi starfrækt skrifstofur í Kaupmannahöfn og London á árunum 2005-2007, þar sem unnu um 20 starfsmenn sem sinntu erlendum fjárfestingum FL Group. „Um rekstur þessara skrifstofa voru stofnuð þarlend dótturfélög, að öllu leyti í eigu móðurfélagins. Umsvif dótturfélagsins í London, FL Group UK, voru töluverð, sérstaklega á árinu 2007." Að sögn Stoða var rekstur umræddra dótturfélaga var fjármagnaður með þeim hætti að dótturfélögin sendu móðurfélaginu reglulega reikninga fyrir rekstrarkostnaði sínum, sem móðurfélagið gjaldfærði í sínu bókhaldi sem rekstrarkostnað dótturfélaga og greiddi. „Skattrannsóknarstjóri virðist nú hafa komist að þeirri niðurstöðu að félaginu hafi borið að greiða íslenskan virðisaukaskatt af gjaldfærðum kostnaði vegna þjónustu erlendra dótturfélaga. Vert er að undirstrika að ekki er um það að ræða að stungið hafi verið undan virðisaukaskatti sem innheimtur hafi verið, heldur hafi félagið sjálft átt að reikna þennan skatt og greiða í ríkissjóð, sem sagt bæta virðisaukaskatti ofan á gjaldfærðan kostnað sinn vegna starfsemi erlendu dótturfélaganna." Stoðir benda á að í skattareglum segi að ef þjónusta sem keypt er af erlendum aðila er nýtt á Íslandi, beri að reikna og greiða virðisaukaskatt í slíkum tilvikum. „Grunnurinn að baki reglunni eru einkum samkeppnis- og samræmissjónarmið. Félagið lét á sínum tíma kanna hvernig fara bæri með þennan rekstrarkostnað. Var það álit skattaráðgjafa félagsins og endurskoðenda að þessi þjónusta varðaði einvörðungu erlendar fjárfestingar félagsins, sem eðlilegt var að vinna erlendis og bæri því ekki að reikna og skila virðisaukaskatti af þjónustunni. Er það í samræmi við skattframkvæmd undanfarinna ára, og munu vera mörg fordæmi fyrir þeirri framkvæmd. Ljóst er að mögulegt hefði verið að fara aðrar leiðir varðandi rekstrarkostnað erlendra dótturfélaga sem ekki hefðu skapað vafa varðandi túlkun á virðisaukaskattskilum. T.d. hefði virðisaukaskattur hvergi komið við sögu ef erlendir starfsmenn hefðu verið á launaskrá móðurfélagsins, eða húsaleiga verið greidd beint af móðurfélaginu." „Það er því skoðun stjórnar Stoða að afstaða skattrannsóknarstjóra sé byggð á röngum forsendum. Starfsmenn félagsins töldu skattskil félagsins vera í samræmi við lög og reglur, og stjórnendur voru í góðri trú, sem studd var af áliti bókhalds- og skattasérfræðinga. Að öllum líkindum munu dómstólar kveða upp úr um þessi tæknilegu álita- og túlkunaratriði," segir einnig í tilkynningunni.Saka skattayfirvöld um harkalega framkomu „Stjórn Stoða telur að skattayfirvöld hafi gengið afar harkalega fram með kröfu sinni um kyrrsetningu eigna Stoða. Í kyrrsetningarbeiðni er því haldið fram að kyrrsetning eigna sé nauðsynleg þar sem hætta þyki á að eignum verði skotið undan. Um 80% hlutafjár Stoða er í eigu Glitnis, Arion banka og NBI - Landsbankans. Stjórn Stoða, sem kjörin var í kjölfar yfirtöku lánardrottna á félaginu sl. sumar, er skipuð fulltrúum þessara aðila. Eignir Stoða um sl. áramót námu 33,5 milljörðum króna en skuldir voru 10 milljarðar króna. Eignir Stoða umfram skuldir voru því 23,5 milljarðar króna um sl. áramót og eiginfjárhlutfall um 70%. Skattayfirvöld hafa enga ástæðu til að ætla að félagið eða eigendur þess muni skjóta undan eignum til að komast hjá greiðslu mögulegrar endurálagningar á sköttum. Jafnframt kemur þessi framganga á óvart í ljósi þess að félagið bíður enn eftir að fá frumskýrslu skattayfirvalda um niðurstöður skattrannsóknarinnar í hendur, svo félagið geti nýtt lögbundinn andmælarétt sinn og lagt mat á þær kröfur sem þar kunna að koma fram. Eins og áður sagði verður kyrrsetningarbeiðni skattayfirvalda skotið til Héraðsdóms Reykjavíkur þar sem krafist verður synjunar," segir að lokum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Röntgen Domus og Orkuhúsið fá ekki að sameinast Viðskipti innlent Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Bein útsending: Ársfundur SFS – Best í heimi? Viðskipti innlent Tekjur Apple drógust saman enn eina ferðina Viðskipti erlent Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira