Kári hafði betur í Íslendingaslag

Kári Kristján Kristjánsson skoraði tvö mörk fyrir Wetzlar sem vann nauman sigur á Hannover-Burgdorf í þýsku úrvalsdeildinni í handbolta í dag, 24-23.

Leikurinn var í járnum frá upphafi og jafnt á nánast öllum tölum. Staðan í hálfleik var 14-13, Wetzlar í vel.

Hannes Jón Jónsson skoraði þrjú mörk fyrir Hannover-Burgdorf, Vignir Svavarsson eitt en Ásgeir Örn Hallgrímsson skoraði ekki fyrir Hannover-Burgdorf að þessu sinni. Aron Kristjánsson er þjálfari liðsins.

Wetzlar er í þrettánda sæti deildarinnar með níu stig og Hannover-Burgdorf í fimmtánda sæti með fimm stig.