Sjávarútvegsráðherra Sjávarútvegsráðherranna

Nú hefur ofur Jón sjávarútvegsráðherra stigið fram enn einu sinni til bjargar lítilmagnanum og bíður nú til leigu 400 tonna skötuselskvóta á sama verði og í fyrra, en það var 120 kr á kg og lætur nærri að vera 30% af brúttó söluverði á slægðum skötusel upp úr sjó sem er raunhæft leiguverð aflaheimilda og er þá sama við hvaða fisktegund er átt. Við sölu afla frá skipi tekur útgerðin 30% af óskiptu sem í daglegu tali heitir kostnaðarhlutdeild.

Það er í raun og veru það leigugjald sem útgerðin getur greitt allt umfram það verður ekki skýrt með þekktum reikniaðferðum þessa heims og er bara út í hött. Þessu til staðfestingar skal hér rakið dæmi glænýtt, ufsakvóti í litla kerfinu er leigður á 45 kr per kg en í því stóra á 120 kr, ufsinn úr báðum þessum kerfum er sá sami og seldur á sama verði upp undir 200 kr kg, þannig eru mörg dæmi um rétt og rangt í meðferð þessa rosaþýfis sem auðlind þjóðarinnar er í dag.

Þær veiðiheimildir í þorski sem í boði eru fást fyrir 300 kr kg og þetta bjóða að sjálfsögðu fyrirtækin sem eru að drukkna í skuldum en hafa samt leikið þann leik í mörg ár að leigja frá sér eftir fjölmörgum leiðum aflaheimildir og komist þannig hjá veiðiskyldu, en í staðin fyrir að efla sjávarútveginn hafa þeir fjárfest í bönkum og bréfum og öllu því sem inn var, glatað öllu nema glórunni sem var aldrei til í þessu.

Ef veiðiheimildir hefðu fengist frá elsku Jóni sjávarútvegsráðherra á 30 % af brúttó aflaverðmæti. En þetta horfir nú allt til betri vegar, nú hefur Alþingi fundið upp rafmagnsstól ráðherranna og heyrir nú öll spilling og einkavæðing sögunni til, en einhverra hluta vegna líkar það ekki öllum allavega æðir Pétur Blöndal um eins og óður hundur froðufellandi og æpandi eins og stunginn grís og hótar þeim hefndum sem ætla að afhjúpa íhaldið.

Þessi atgangur allur er þvílík hvatning til ofur Jóns sjvávarútvegsráðherra að það er engu líkar en að honum hafi verið fengin sjálfur Xabus í hönd til þess að réttlætinu verði fullnægt við að frelsa auðlindina og skila henni til þjóðarinnar og þaðan útleigja til þeirra sem geta greitt viðunandi auðlindagjald með það fyrir augum að veiða fiskinn og selja hann til þeirra sem geta keppt og keypt fyrir opnum tjöldum.

Allt framsal auðlindarinnar hvort heldur er í heilan eða hálfan mannsaldur til núverandi handhafa auðlindarinnar er landráð og sá sjávarútvegsráðherra sem upp á það skrifar munu í fyllingu tímans fegin ef hann fengi að fara fyrir ráðherradóm í stað þess að verða dæmdur landráðamaður.

Eitt er þó víst landsmenn góðir að fyrr mun frjósa í helvíti en að LÍÚ takist að gera umræddan ofur Jón að þvílíkum landráðamanni. Auk þess er líka of mikill strandamaður í Jóni til þess að hann biðji aula sem ekki valda amlóða að rétta sér fullsterk.