EM: Farangur króatíska landsliðsins týndist

Íslenska kvennalandsliðið mætir því króatíska í kvöld í fyrsta leik sínum á Evrópumótinu í Danmörku og Noregi. Króatía lék tvo æfingaleiki í Svíþjóð um helgina en liðið varð fyrir því óláni að farangur þess týndist á leiðinni til Svíþjóðar.

„Ég hef enn nokkrar áhyggjur af farangrinum þar sem hluta leikmanna vantar enn allt sitt dót," sagði þjálfarinn Vladimir Canjuga á heimasíðu EHF.

„Það er nú í algerum forgangi hjá okkur að endurheimta farangurinn sem allra fyrst og er ég örlítið taugaóstyrkur vegna þessa."

Landslið Króatíu ætlaði að fljúga til Svíþjóðar á fimmtudaginn síðasta en komst ekki alla leið vegna veðurs. Það þurfti því að gista í München í eina nótt. Þegar liðið komst svo loksins til Svíþjóðar hafði farangur flestra glatast.

Króatarnir hafa þó verið fullvissaðir um að farangurinn muni skila sér áður en keppni hefst dag.