NBA: Ellefu leikir fóru fram í nótt

Joe Johnson náði að stilla miðið á lokasekúndum framlengingar þegar Atlanta Hawks vann sigur á Charlotte Bobcats 93-92. Hann átti ekki góðan leik en setti niður gríðarlega mikilvæga flautukörfu sem tryggði Atlanta sigurinn.

Michael Jordan gat ekki brosað en hann varð á dögunum aðaleigandi Charlotte liðsins.

Alls voru ellefu leikir í NBA-deildinni í nótt. Paul Pierce skoraði 26 stig fyrir Boston Celtics sem vann Houston Rockets á útivelli 94-87 en leikurinn var sýndur beint á Stöð 2 Sport.

Los Angeles Lakers lagði Minnesota á heimavelli 104-96. Kobe Bryant skoraði 22 stig fyrir Lakers. Cleveland lagði Chicago þar sem LeBron James skoraði 29 stig og tók 11 fráköst.

Atlanta - Charlotte 93-92

Chicago - Cleveland 85-92

Houston - Boston 87-94

Indiana - Detroit 106-102

LA Lakers - Minnesota 104-96

New York - Philadelphia 92-88

Phoenix - Utah 110-100

Portland - Washington 76-74

Sacramento - Milwaukee 108-114

San Antonio - Golden State 147-116

Toronto - Oklahoma 89-115